2023 оны цагаан сарын баярын амралтыг харилцан адилгүй зохицуулалт хийж буй. Тухайлбал, их дээд сургуулиуд битүүн болон шинийн 4-ний ажлын өдрийн хичээлийг онлайн хэлбэрээр зохион байгуулсан. Харин ЕБС-иуд энэ өдрүүдийн хичээлийг дурын бямба гарагт шилжүүлэн хичээллэх сонголтыг аймаг, сумдын удирдлагад өгсөн. Нийслэлийн ЕБС-иуд битүүний өдрийн хичээлийг маргааш буюу хоёрдугаар сарын 18-нд шилжүүлсэн.

Тэгвэл энэ өдрүүдэд автомашины замын хөдөлгөөнд оролцох дугаарын хязгаарлалт хэрхэн үйлчлэх талаар Тээврийн цагдаагийн газраас тодруулахад "Ирэх долоо хоногийн даваа, баасан буюу битүүн, шинийн 4-нд дугаарын хязгаарлалтаар зорчино. Мягмар, лхагва, пүрэв гараг амралтын өдөр учраас бүх машин хөдөлгөөнд оролцоно. Мөн маргааш буюу хоёрдугаар сарын 18-ны бямба гарагт сургуулиуд хичээллэх байсан ч дугаарын хязгаарлалт хийхгүй" гэлээ.