Нийслэлийн гэмт хэргээс урьдчилан сэргийлэх ажлыг зохицуулах зөвлөл 2023 оны төлөвлөгөөгөө баталлаа. 

Зохицуулах зөвлөлийн хуралдаанд Нийслэлийн Цагдаагийн удирдах газраас 2022 он, 2023 оны 01 дүгээр сарын гэмт хэрэг, зөрчлийн нөхцөл байдал, цаашид гэмт хэргээс урьдчилан сэргийлэх чиглэлээр төрийн болон төрийн бус байгууллагатай хамтран ажиллах саналыг танилцууллаа.

Нийслэлийн хэмжээнд зонхилон үйлдэгдэж буй халаас, орон байрны хулгай, залилан, хүний эрүүл мэндийн эсрэг хэрэгтэй тэмцэх чиглэлээр 103 автобусны буудлын орчны камержуулалт, ухаалаг утасны бүртгэлийн систем, барьцаалан зээлдүүлэх үйлчилгээний эрх зүйн зохицуулалт, бага насны хүүхдийн эсрэг бэлгийн хүчирхийлэл, дүүрэг бүрт аюулгүй хяналтын орчин үүсгэх Ногоон бүс зэрэг тусгайлан ажил, арга хэмжээг үе шаттай зохион байгуулахаар төлөвлөж байна.