Турк улсад болсон аймшигт газар хөдлөлтийн улмаас олон мянган хүн амиа алдаж, бэртэж гэмтээд буй. Тус үйл явдалтай холбоотойгоор Турк улсад төгсөгчдийн хамтын ажиллагааны нийгэмлэгээс "Гэнэтийн гай зовлон учирсан Туркийн ахан дүүстээ халуун сэтгэлийн гараа сунгах аян"-ыг эхлүүлжээ.

Турк улсад болсон гамшгийн улмаас амиа алдсан хүний тоо одоогийн байдлаар 7800 даваад байна. Манай нийгэмлэгээс гэнэтийн гай зовлон учирсан Турк улсын ахан дүүстээ халуун сэтгэлийн гараа сунгах аяныг гурван өдрийн хугацаанд өрнүүлэхээр болсон. Уг аянд манай төгсөгчдийн холбооны гишүүд болон иргэд гээд олон хүмүүс хамрагдаад байна. Одоогоор аян эхлээд дөнгөж  24 цагийн хугацаа өнгөрч байгаа бөгөөд манай нийгэмлэгийн дансанд 180 гүйлгээ хийгдэж, 12 сая төгрөг цугларсан байна гэжээ.

Түүнчлэн тэрээр" Сүүлийн жилүүдэд манай улсаас Турк улс руу суралцах залуусын тоо нэмэгдсэн. Манайд бүртгэгдсэн мэдээллээр жилд 50-100 залуучууд тус улсад суралцахаар зорьдог гэх мэдээлэл бий" гэсэн юм.

Хандивын аянд нэгдэх данс: ХААН банк 5004022515

Данс эзэмшигч: Туркэд төгсөгчдийн хамтын ажиллагааны нийгэмлэг

Гүйлгээний утга хэсэгт: Pray for Türkiye гээд нэр, утсаа бичин хамрагдах боломжтой. Дэлгэрэнгүй мэдээллийг энд дарж авна уу.