ТОДРУУЛГА: Койны асуудлаар О.Мөнхжинд шалгах ажиллагаа явуулж байгаа
“IHC” койныг зах зээлд нэвтрүүлсэн "Их бит" ХХК-ийн ерөнхий захирал О.Мөнхжингийн гэр, ажлын өрөөнд нэгжлэг хийж байна гэх мэдээлэл олон нийтийн сүлжээнд гараад буй.
Энэ талаар ЦЕГ-ын Хэвлэл мэдээллийн төвөөс тодруулахад "О.Мөнхжинд шалгах ажиллагаа явуулж байгаа. Одоо шалгагдаж байгаа тул дэлгэрэнгүй мэдээлэл өгөх боломжгүй" гэлээ.
Ташрамд дурьдахад, "Их Бит" ХХК-ийн 33.1 хувийн хувьцааг Б.Гантиг, Б.Эрхэмбаяр 33.1, О.Мөнхжин 33.7 хувийн хувьцааг эзэмшдэг аж. Б.Гантиг, О.Мөнхжин нарын хувьд 2022 оны аравдугаар сарын 12-нд АНУ руу явж, мөн сарын 20-нд буцаж Монгол Улсад иржээ.
Харин Б.Идэр-Одын хувьд өнгөрөгч оны гуравдугаар сарын 30-нд Автрали улс руу гарсан байна. Түүний хувьд эл компанийн 25 хувийн хувьцааг эзэмшдэг байсан.