Жил бүрийн зургадугаар сард Улаанбаатар хотын гудамжаар алхахад улиасны хөвөн хийсч, хашраадаг байлаа. Харин энэ зун нийслэлийн иргэд улиасны хөвөнд дарлуулсангүй тун амар зуслаа. Ирэх жилийн зун ч мөн амар амгалан байж болох нь.

Учир нь Улаанбаатар хотын хэмжээнд байдаг 7000 гаруй улиасыг өнөө жилээс эхлэн арчилжээ.
Ногоон байгууламжийн талбайг нэмэх, арчилж тордоход зориулж энэ жил нийслэлээс 5.8 тэрбум төгрөг зарцуулсны багагүй хэсэг нь улиасыг арчилахад зарцуулсан юм байна. Мөн 85 гудамж, 66.5 мянган га ногоон байгууламжийг бий болгоход дээрх хөрөнгө зарцуулагджээ.