Мансууруулах бодисын хамааралтай хүнд нийгэм, сэтгэл зүйн тусламж, үйлчилгээ ХАМГИЙН ЧУХАЛ
Гэмт хэргээс урьдчилан сэргийлэх ажлыг зохицуулах зөвлөлийн ажлын алба, Иргэдийг гэмт халдлагаас хамгаалах монголын нийгэмлэг төрийн бус байгууллагатай хамтран энэ төрлийн гэмт хэрэгтэй тэмцэх, урьдчилан сэргийлэх үүрэг бүхий ажилтан, алба хаагчид болон эмч нарт “Мансууруулах бодисын хамааралтай хүнд нийгэм, сэтгэл зүйн тусламж, үйлчилгээг үзүүлэх нь: Япон Улсын сайн туршлага” сургалтыг зохион байгууллаа.
Сургалтыг Япон Улсын Миэ мужийн Мансуурах эмгэгийн нөхөн сэргээх төвийн захирал Такехито Ичикава, сайн дурын ажилтан Ёокояама Жуничи нар удирдан явуулж, өөрийн орны мансууруулах бодисын хор хөнөөлөөс урьдчилан сэргийлэх бодлого, үйл ажиллагаа болон мансууруулах бодисын хамааралтай хүмүүст үзүүлэх эрүүл мэнд, нийгмийн халамжийн тусламж үйлчилгээ үзүүлдэг туршлагыг хуваалцлаа.