“Нүүрсний хулгайн” буюу Нүүрс экспорт, тээвэрлэлттэй холбоотой асуудлаар холбогдох эрх бүхий байгууллагуудын тайлан, мэдээлэлтэй танилцах ерөнхий хяналтын сонсгол өнөөдөр боллоо.

Үүнтэй зэрэгцэж ордны гаднаас иргэдийг оруулахгүй хэмээн зарим иргэд нүцгэлэн эсэргүүцлээ илэрхийлсэн.

Тэгвэл дөнгөж сая дээрх жагсагчид болон жагсаалыг удирдаж байсан зарим иргэдийн ард санхүүжүүлэгч байсан нь шалгалтын явцад тогтоогдсон гэх  эх сурвалжийн мэдээлэл байна.

Тодруулбал, авагдсан баримтад үндэслэн дөнгөж сая Сүхбаатар дүүрэгт байрлах нэр бүхий ресторанаас Н.Э гэх эмэгтэйг баривчилжээ. 

Мөн албаны эх сурвалжийн мэдээлж буйгаар өнөөдөр нүцгэлж эсэргүүцэл илэрхийлсэн иргэдийг УИХ-ын гишүүн Д.Бат-Эрдэнэ, ТЕГ-ын дарга асан Б.Хурц нар санхүүжүүлсэн нь тогтоогдсон талаар мэдээлэл байна. Тодруулбал, Эрүүгийн цагдаагийн газарт дээрх иргэдээс гурав нь хэргээ хүлээж, дээрх санхүүжилттэй холбоотой мэдүүлгийг өгсөн гэнэ.

Түүнчлэн талбайд өнөөдөр нүцгэлсэн иргэдэд хамгийн багадаа 2 тэрбум орчим төгрөг тараасан байж болзошгүй нөхцөл байдал тогтоогджээ.