Өнөөдөр /2022.12.21/ Төрийн ордонд Нүүрсний экспорт, тээвэрлэлттэй холбоотой асуудлаар холбогдох эрх бүхий байгууллагуудын тайлан, мэдээлэлтэй танилцах  Ерөнхий хяналтын сонсгол болж байгаатай холбогдуулан жагсагчид яг одоо ордны гадна эмх замбараагүй байдал үүсгээд байна.

Тэгвэл уг сонсголд оролцуулахыг шаардсан зарим жагсагч Төрийн ордны баруун хаалганы дэргэд нүцгэн суулт зарлаж байна.

Тэгвэл дөнгөж сая тухайн нүцгэн суулт зарласан иргэдийг осголтын нэгдүгээр зэрэгт орсон гэдгийг эмчийн үзлэгийн баг сануулж, 2-3 хүн ухаан алдсаныг, эмнэлгийн машинаар авч явлаа. 

Нүцгэлсэн иргэдийн биеийн байдлыг хянахаар түргэн тусламжийн дөрвөн эмч ажиллаж байна.

Нүцгэн суулт зарласан иргэд “Монголчуудаа эвтэй бай”, “Шударга ёсыг шаардаж байна”, “Бид нар ингэж амьдарч чадахгүй”, “Биднийг сонс”, “Эх орондоо аюулгүй, сайхан амьдрах ёстой” хэмээн хашхирч байна.