Онцгой байдлын байгууллагаас өгсөн мэдээллээр Хан-Уул дүүргийн 4 дүгээр хороо, Наадамчны гудамжинд машин худалдааны газарт гал гарч байна гэсэн дуудлага өнөөдөр 08:04 цагт иржээ.

Дүүргийн Онцгой байдлын хэлтсийн гал түймэр унтраах, аврах 14, 30 дугаар ангийн бүрэлдэхүүнийг очиход 43х33 хэмжээтэй байшингийн дээврийн баруун урд хэсэг шатаж байсан.

Алба хаагчид шуурхай ажиллаж 08:30 цагт гал түймрийн тархалтыг зогсоож, бүрэн унтраахаар ажиллаж байна гэв.