"Номин тав трейд" компанид 6.9 тэрбум төгрөгийн торгууль оногдуулсан талаар өмнө нь мэдээлж байсан.  

Тэгвэл тус компанитай холбоотой асуудлаар ШӨХТГ-ын дарга С.Мөнхчулуун "30 хоногийн өмнө "Номин тав трейд" компанид өрсөлдөөнийг хязгаарласан, нийтийн ашиг сонирхолд харшилсан гэрээ хэлэлцэл хийдэг гэсэн үндэслэлээр 6.9 тэрбум төгрөгийн торгууль тавьсан.

Хямд үнийн баталгаа гэдэг нэрээр доод үнийг тогтоож, өрсөлдөөнийг хязгаарласан гэж үзэн торгуулийн арга хэмжээ авсан юм. 

Ингээд албан даалгаврыг 30 хоногийн хугацаатай хүргүүлсэн. Тус компаниас өнөөдрийн байдлаар ямар нэгэн гомдол санал ирүүлээгүй. Шүүхэд гомдол гаргасан гэдэг нь одоогоор бидэнд мэдэгдээгүй байна. Мөн шийдвэрийн биелэлтийг хангаагүй. Тиймээс ирэх долоо хоногт шүүхээс Номин компани гомдол гаргасан эсэхийг тодруулна. Хэрвээ гомдол гаргаагүй бол Нийслэлийн захиргааны хэргийн анхан шатны шүүхэд шийтгэлийг албадан гүйцэтгүүлэх хүсэлт гаргана" гэлээ.