12-р сарын 1-нд Дархан-Уул аймгийн Дархан сум 3-р багт байрлах “ТЭС петролиум” ХХК-ийн  газрын тосны бүтээгдэхүүний агуулахад гал гарч, нэг хүний амь нас хохирсон харамсалтай хэрэг гарсан. Газрын тосны бүтээгдэхүүний агуулахад гарсан гал түймрийг 170 гаруй алба хаагч 8 цагийн турш ажиллаж унтраасан.  Харамсалтай нь, Резервуарт гал түймэр гарахаас өмнө хэмжилт хийхээр нягтлан, нярав, харуул гурав нь орсон бөгөөд дэлбэрэлт болоход нэг нь гадаргууд шидэгдсэн байсныг олж, эмнэлгийн байгуулагад хүлээлгэн өгсөн боловч эмнэлэгт хүргэгдэх замдаа нас барсан байна. Харин хоёр иргэн одоо хүртэл олдоогүй байгаа билээ.

Тэгвэл энэ мэт харасалтай хэрэг гарч мэдэхээр стандартын дүрэм зөрчиж баригдсан маш олон шатахуун түгээх станцууд бий.  Тухайлбал  сургууль, цэцэрлэг, хотхон дунд ч шатахуун түгээгүүр байдаг. 

Тиймээс Дарханд болсон явдал нийслэлд давтагдаагүй дээр Уланбаатар хотын замбараагүй байрласан шатахуун түгээх станцуудыг цэгцэлж, зайлшгүй, нүүлгэн шилжүүлэх боломжгүй бол бүрмөсөн хаах зэрэг зохицуулалтуудыг яаралтай хийх шаардлагатай байна.