“Хүннү-2222“ хорооллын цахилгаан шатнаас хүн унаж НАС БАРЖЭЭ.

Тодруулбал, арваннэгдүгээр сарын 29-ны өдрийн 12:39 цагийн үед  "Баригдаж байгаа барилгын есөн давхарт ажил хийж байсан хүн лифтнээс унаад нас барчихлаа гэх” мэдээлэл  цагдаагийн байгууллагад бүртгэгджээ.

Мэдээллийн дагуу шалгахад Чингэлтэй дүүрэгт оршин суух хаягтай, 35 настай иргэн "Хурд" группийн захиалгаар баригдаж байгаа "Хүннү-2222" хорооллын есөн давхарт шалны плита нааж байгаад хөөсөнцрөөр хаасан байсан лифтнээс унаж нас барсан байжээ.

Энэ талаар холбогдох албанаас тодруулахад , "дуудлага мэдээллийн дагуу хэргийг Хан-Уул дүүргийн цагдаагийн 1 дүгээр хэлтэст шалгаж байна. Шалгагдаж байгаа тул мэдээлэл өгөх боломжгүй" гэв.