“Жендэрийн мэдрэмжтэй бодлого төлөвлөлт” сургалт зохион байгуулагдаж байна

Шийдвэр гаргах түвшинд жендэрийн тэгш байдлыг хангах, жендэрийн талаар төрөөс баримталж буй бодлого, үйл ажиллагаа, орон нутгийн бодлого төлөвлөлт, түүний биелэлтэд хяналт тавих, үр дүнг хэлэлцэх, цаашдын хамтын ажиллагааг сайжруулах, чадавхыг бэхжүүлэх зорилготойгоор 2022 оны 11 дүгээр сарын 21-ний өдөр 21 аймаг, нийслэлийн есөн дүүргийн ИТХ-ын дарга, Төлөөлөгч, Ажлын албаны дарга нар Жендэрийн мэдрэмжтэй бодлого төлөвлөлтөд суралцаж байна.

Сургалтын чиглүүлэгчээр ЖҮХ-ны ажлын албаны Тогтвортой хөгжлийн бодлогын хэлтсийн дарга С.Батцэцэг, зөвлөх Т.Амгалан нар ажилласан бол сургалтын багшаар ЖҮХ-ны гишүүн, Хорооны дэргэдэх шинжээчдийн бүлгийн шинжээч, зөвлөхүүд ажиллаж, жендэрийн эрх тэгш байдлыг хангахад төрөөс авч хэрэгжүүлж буй бодлого, үйл ажиллагаа, жендэр, жендэрийн хэвшмэл ойлголт, жендэрт суурилсан ялгаварлан гадуурхалт, жендэрийн тэгш бус байдал, жендэрт суурилсан ялгаварлан гадуурхалт, шийдвэр гаргах түвшинд жендэрийн тэгш байдал, жендэрийн статистик бүрдүүлэлт, ач холбогдол, жендэрийн мэдрэмжтэй төсөвлөлт,түүнийг төлөвлөх, НӨУБ-ын бодлого, үйл ажиллагааг танилцуулна.