Жүжигчин О.Отгонбат сураггүй алга бол эрэн сурвалжлагдаж буй мэдээлэл цахим орчинд тархсан. Тэгвэл цагдаагийн байгууллагаас тодруулахад О.Отгонбатыг олсон байна. Мөн дуудлага өгсөн ар гэртэй нь холбогдож эрэн сурвалжлах ажиллагааг зогсоож байгаа аж. Арын гэрийнх нь зүгээс яг одоо цагдаагийн хэлтэст очиж дуудлага мэдээллээ цуцалж байгаа аж. 

Харин энэ талаар жүжигчин О.Отгонбат өөрийн цахим хуудаснаа "Би ажлаа хийгээд явж байна. Манай гэрийнхэн эрэн хайж байна гэсэн дуудлага мэдээлэл өгснийг  би мэдээгүй" гэжээ. 

Тэгвэл О.Отгонбат өнөөдөр "Сүлд" болон "Өлзий" телевизүүдээр "Хийморьтой 20 сугалаа"-ны хөтлөгчөөр ажиллаж, шууд эфирээр гарч байсан юм. Тиймээс түүний алга болсон талаар БЗД-ийн цагдаагийн 2-р хэлтсээс тодруулахад дуудлага мэдээллийг цуцлах ажиллагаа явагдаж байна, олдсон байгаа гэсэн юм.