Дорноговь аймгийн Замын-Үүд сумын Сүлд баг дахь УБТЗ-ын “Замын-Үүд 2” өртөө Сайншанд-Замын-Үүд чиглэлийн вагонд тээвэрлэж явсан нүүрс уугиж байна гэсэн дуудлагыг арваннэгдүгээр сарын 16-ны өдрийн 21:52 цагт хүлээн авсан.

Тус аймгийн Онцгой байдлын газрын Замын-Үүд сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчдыг очиход нүүрс тээвэрлэж явсан вагон дахь нүүрс шатаж байсныг 22 минут ажиллаж аюулгүй болгожээ.