Замын-Үүд сумын иргэд нүүрсний тортгоор амьсгалах болсоор уджээ. Учир нь төрийн байгууллагуудын нурмал ачаа буюу нүүрс ачиж буулгах талбай нь хашаагүй шахуу , стандартын шаардлага хангахгүй нөхцөл байдалтай байсаар удсан учраас энэ сумын иргэд рүү нүүрсний тортог хийсч, иргэд ч гомдол мэдээлэл ихээр хүргүүлэх болжээ.

Улсын мэдэл дэх нүүрс буулгадаг газар нь ийнхүү стандартгүй талбайтай тул салхилах төдийд Замын-Үүдчүүд тортгоор булуулж буй аж.

Тэгвэл уг асуудлаар нь Замын үүд сумын гаалийн газрын даргаас тодруулахад:

ЗАМЫН-ҮҮД ДЭХ ГААЛИЙН ГАЗРЫН О.ЦЭЕНРЭГЗЭН  даргын өгч байгаа мэдээллээр ч мөн тус нүүрс ачиж буулгах талбай нь Замын үүд сумын захад байгаа учраас сумын хэмжээнд нөхцөл байдал хүнд байгаа , иргэдийн гомдол ч ихээр ирдэг тул стандартын шаардлага хангасан талбай болгох шаардлагыг зохих шатны байгууллага аж ахуй нэгжүүдэд тавихаа ийнхүү илэрхийллээ.