Хөдөлмөрийн аюулгүй байдал, эрүүл ахуйн сарын аяны хүрээнд Орон сууц нийтийн аж ахуйн удирдах газраас “АЮУЛГҮЙ БАЙДАЛ АЖИЛТАН БҮРИЙН ХАРИУЦЛАГА” уриаг дэвшүүлж ХЭМАБ-ын олон улсын стандарт нэвтрүүлэн ажиллаж байгаа хувийн хэвшил болон эрчим хүчний салбарын бусад байгууллагуудтай туршлага солилцох, судлах сургалтыг зохион байгуулан ажиллаж байгаа билээ.

Энэ хүрээнд 10 дугаар сарын 20-ны өдөр “М СИ ЭС КОКА КОЛА ХХК”-тай хамтран уурын зуух, ус цэвэршүүлэх байгууламж болон үйлдвэрийн байртай танилцах харилцан туршлага солилцох сургалтыг зохион байгууллаа. Сургалтад ОСНААУГ-ын нийт салбар төвүүдийн ХАБЭА мэргэжилтэн, дулаан хангамжийн инженер, тоног төхөөрөмжийн засварчин зэрэг 57 ажилтан хамрагдав.