Баянзүрх дүүргийн 26 дугаар хороо “Олимп” хотхоны хойд замд энэ сарын 10- ны орой Toyota Landcruiser-200 маркийн тээврийн хэрэгслийг жолоодож явсан жолооч нь замын эсрэг урсгалд орж нийт 7 автомашины мөргөж, замаас гарч явган хүний замаар явж байсан явган зорчигч “С” “Э”/12 настай, эмэгтэй/ нарыг мөргөж эрүүл мэндэд нь хохирол учруулсан хэрэг гарсан. 

Тодруулбал, Toyota Land Cruser авто машины жолооч 29 настай, эмэгтэй “М” гэгч нь Toyota Prius, Harrier, Nissan Qashqai маркийн гэх мэт найман автомашиныг мөргөж, явган зорчигч 12 настай эмэгтэй “С” болон “Э” нарыг мөргөж гэмтээсэн билээ. Хохирогч хоёр хүүхдийн нэгнийх нь хөл хугарсан бөгөөд одоо ГССҮТ-д хэвтэн эмчлүүлж буй.

Харин тухайн автомашиныг жолоодож явсан иргэн Чингэсийн Маралмаагийн аавыг Дотоодын цэргийн штабын дарга,бригадын генерал  Р.Чингистэй андуураад байгаа учраас бодит мэдээллийг хүргэж байна.

Тэгвэл Ч.Маралмаагийн аав Э.Чингэс нь 57 настай, ... гэх цэцэрлэгт ажилладаг нэгэн иргэн юм байна.