Цагдаагийн байгууллагад энэ оны 10 дугаар сарын 15-ны өдрийн 07:42 цагт Баянзүрх дүүргийн 9 дүгээр хорооны нутаг дэвсгэр Шархадны ... тоотод "Хүн нас барсан байна " гэх дуудлага мэдээлэл бүртгэгдсэн.

Дуудлага мэдээллийг тус дүүрэг дэх цагдаагийн газрын гуравдугаар хэлтсээс шалгахад 48 настай, эмэгтэй "А" нь биедээ ил харагдах гэмтэл, шархгүй амиа алдсан байсан бөгөөд дүүрэг дэх цагдаагийн 3 хэлтсээс мөрдөн шалгах хойшлуулашгүй ажиллагаа явуулахад хохирогч гадны нөлөөтэй амь насаа алдсан нь тогтоогдсон бөгөөд шалгалтаар түүний амь насыг нөхөр болох 57 настай, эрэгтэй, "Д" нь согтуурсан үедээ хохироосон байж болзошгүй байсныг илрүүлэн мөрдөн шалгах ажиллагааг үргэлжлүүлж байна.