Цагдаагийн ерөнхий газрын дарга, дотоодын цэргийн командлагч Ж.Болд Сэтгэл зүйч нарт "МЭНДЧИЛГЭЭ" дэвшүүллээ.

Тэрбээр " Монголын цагдаагийн дотоодын цэргийн байгууллагын алба хаагч, ажилтнуудын сэтгэл зүйн тогтвортой байдлыг хангах чиг үүргийг хэрэгжүүлэн ажилладаг Та бүхэндээ нийт бие бүрэлдэхүүнийхээ өмнөөс болон хувиасаа "Сэтгэл зүйчдийн өдөр"-ийн мэндийг дэвшүүлве. 

Дэлхийн эрүүл мэндийн байгууллагаас 1992 оны 10 дугаар сарын 10-ны өдрийг " Сэтгэцийн эрүүл мэндийг хамгаалах өдөр"  болгон тунхаглан тэмдэглэж эхэлснээс хойш энэ өдрийг "Сэтгэл зүйчдийн өдөр" болгон хамтатган тэмдэглэж ирсэн уламжлалтай. 

Цагдаа дотоодын цэргийн алба хаагчдын хуулиар хүлээсэн үндсэн чиг үүргээ хэрэгжүүлэх, тэдний сэтгэл зүй, стрессийг эмчлэн эдгээх, өөртөө итгэх итгэл үнэмшлийг төрүүлэхэд сэтгэл зүйчлийн оролцоо, үүрэг хариуцлага ихээхэн чухал билээ. 

Цаашид өргөсөн тангарагтаа үнэнч байж, нийт бие бүрэлдэхүүний сэтгэл зүйн тусламж үйлчилгээний чанар, хүртээмжийг нэмэгдүүлэн, ололт амжилтаа улам бататган ажиллахыг Та бүхнээс хүсье" гэжээ.