Нэг хоногийн дотор Алтанбулаг боомтоор 3000 гаруй ОХУ-ын иргэн НЭВТЭРЧЭЭ

2022 оны 9 сарын 26

Arslan.mn

Алтанбулаг боомтоос цаг үеийн нөхцөл байдлын мэдээллийг өглөө. 

Алтанбулаг боомтын дарга хошууч Г.Бямбасүрэн "2022 оны  9 сарын 21-ны оройноос Монгол Улс руу нэвтрэх ОХУ-ын иргэдийн тоо өмнөх үеэс харьцангуй нэмэгдсэн. Өнөөдрийн 12:00 цагийн байдлаар манай улс руу 3,000 гаруй ОХУ-ын иргэн нэвтэрсэн байна. Энэ хугацаанд Алтанбулаг авто замын шалган нэвтрүүлэх боомт дээр иргэдийн бөөгнөрөл дараалал үүсээгүй. Боомтын үйл ажиллагаа хэвийн явагдсан. Зорчигчийг олон улсын гэрээ, хэлэлцээр иргэд харилцан зорчих журам, холбогдох тушаал журмын дагуу шалган нэвтрүүлсэн. Орж ирсэн иргэдийг хүйсийн хувьд авч үзвэл 2,500 орчим нь эрэгтэй үлдсэн 500 гаруй нь эмэгтэй хүмүүс байна. Гэр бүлээрээ хилээр орж ирж байгаа ч ихэнх нь ганц бие залуучууд байна. Өнөөдрийн байдлаар хилээр орж ирэх чиглэлийн хөдөлгөөн буурч байна. Үндсэндээ буцаад өмнөх үетэйгээ ижил болж байна. Одоогоор  ямар нэгэн зөрчил илрээгүй. 

ОХУ-ын иргэд манай улс руу иргэд харилцах зорчих журмын дагуу 30 хоногийн хугацаанд визгүй зорчих эрхтэй. Гэхдээ 30 хоног нь хэтэрсэн тохиолдолд дахин хүсэлт гаргаж 30 хоног сунгуулах боломжтой. Энэ хүсэлтээ Гадаадын иргэн харьяатын газарт цахимаар хүсэлтээ хүргүүлж сунгуулах боломжтой" гэлээ. 

Мэдээнд өгөх таны үнэлгээ?
Like an post Love an post
haha an post
wow an post
yay an post
sad an post
ouch an post
confuse an post
angry an post
640748
0 эможи

keyboard_arrow_up