Цагдаагийн байгууллагад есдүгээр сарын 05-ны өдөр Хөвсгөл аймгийн нутаг дэвсгэрт “2 тооны үхэр хулгайд алдагдсан” гэх дуудлага, мэдээлэл бүртгэгджээ.

Дуудлага, мэдээллийн дагуу тус аймаг дахь цагдаагийн газрын алба хаагчид шалгахад 55 настай эрэгтэй “Б”-ийн 2 тооны үхрийг 43 настай эрэгтэй “С”-нь хулгайлсныг илрүүлэн мөрдөн шалгах ажиллагааг үргэлжлүүлж байна.

Иймээс иргэн та мал сүргээ байнгын хариулга, манаатай байлгаж мал хулгайлах гэмт хэргээс урьдчилан сэргийлээрэй.