Монгол Улс, Австралийн Холбооны Улс хооронд дипломат харилцаа тогтоосны 50 жилийн ой тохиож байгаа билээ.

Ойг тохиолдуулан Австралийн нийслэл Канберра хотын түүхэн барилгууд болох Парламентын хуучин ордон болон Үндэсний хонхот цамхаг пүрэв гарагийн орой Монгол Улсын далбааны өнгөөр гэрэлтжээ.

Монгол Улс болон Австралийн Холбооны Улс нь 1972 оны есдүгээр сарын 15-нд албан ёсоор дипломат харилцаа тогтоосон юм.

Хоёр улс өдгөө улс төр, батлан хамгаалах, боловсрол, уул уурхай, хөдөө аж ахуй зэрэг олон салбарт өргөн хүрээнд хамтран ажиллаж байна.