Авто замын зогсоолын асуудал иргэдийг бухимдуулсаар... Өнөөдөр төрийн ордонд орох иргэд машинаа тавих зогсоолгүйн улмаас хамгаалагч нартай маргаан үүсгэх тохиолдол их гарах болж. Учир юу гэвэл төрийн ордны 16 зогсоолыг хурган дарга нарт зориулсанаас болсон аж. 

Төрийн хэмнэлтийн тухай хуулиар дарга нарын зөвлөхүүд машин унахаа болиод UBCAB дуудаж унадаг болсон. Энэ шийдвэрийг хэрэгжүүлэх гэж тамгын дарга нар ордны баруун, зүүн талд 8,8 нийт 16 зогсоолыг хааж төмөр тавьжээ. 

Уг нь тус 16 зогсоолд ордонд ажилладаг ажилчид машинаа тавих гэж өглөө 07:30-08:30 цагтай уралдаж орж ирдэг. Эсвэл төрийн ордныг зорин ирсэн иргэд машинаа түр байрлуулдаг байжээ.

Гэтэл тус 16 зогсоолыг хааж, дуудлагаар ирдэг UBcab -ын машинуудад буюу хурган дарга нартаа зориулж өглөөнөөс дараа өглөө хүртэл хаах болжээ. Үүнээс болж л хамгаалалтын ажилтнууд зогсоолгүй буцаж байгаа хүн бүрт есөн шидээрээ хараалгаж байгаа аж.

Дабль стандартгүй төрийн шийдвэрийн нэг хэлбэр нь дарга ажилтнуудад тэгш үйлчилдэг машины зогсоол гэдгийг хэзээ ойлгох бол...