БНХАУ руу зорчих нислэгийн тийзийн үнэ нэмэгдсэн нь тус улсад суралцахаар явах гэж буй оюутнуудад хүндрэл үүсгэж байгаа талаар цахим орчинд гарсан. 

Тухайлбал, МИАТ компанийн  Улаанбаатар-Бээжин чиглэлийн нислэгийн тийз 2022.08.08-ны өдрийнх 2.2 сая төгрөг байсан бол 2022.09.06-ны нислэгийн үлдсэн суудлууд 10.2 сая төгрөгт хүрсэн гэж буй.

Тэвэл үнэ нэмэгдсэн асуудалтай холбоотой  ШӨХТГ-аас тодруулахад "Өчигдрөөс тийзийн үнэтэй холбоотой мэдээлэл цахим орчинд гарсан. Бид өнөөдрөөс шалгалтын ажиллагааг эхлүүлээд байна. МИАТ ТӨХК-аас Улаанбаатар-Бээжин чиглэлийн нислэгийн тийзийн үнэ албан ёсных уу эсвэл хүмүүс дамлаж зарж байгаа эсэхийг тодруулна." гэсэн тайлбар өгсөн юм.