Богдхан уулын Түргэний аманд хууль бусаар дөрвөн тонн самар түүлгэж, үүнийгээ дамлан зарах гэж байсан үйлдлийг таслан зогсоолоо.

Тодруулбал, өчигдөр /2022.09.01/ хяналт шалгалтаар Богдхан уулын дархан цаазат газрын хамгаалалтын захиргаанд өмнө ажиллаж байгаад ажлаас халагдсан албан хаагч самрын наймаачидтай үгсэн хуйвалдан, удаа дараагийн үйлдлээр хууль бус үйл ажиллагаа явуулж байсныг нь тогтоож, холбогдох газарт нь шилжүүллээ.

Тус хамгаалалтын захиргааны даргын удирдамжийн хүрээнд Байгаль орны Хяналтын улсын байцаагч нар байнгын хяналт шалгалт хийж байгаа юм.

Хуш модны самрыг жил бүрийн есдүгээр сарын 10-наас түүж бэлтгэх боломжтой бөгөөд ингэхдээ ААН, иргэд холбогдох зөвшөөрлийг авч зөвшөөрсөн хэмжээгээр бэлтгэх боломжтой. Харин зөвшөөрөлгүйгээр самар түүсэн нөхцөлд 5000 нэгж болон түүнээс дээш нэгжээр торгох эсвэл 1-2 жилийн хугацаагаар хорих ял шийтгэдэг байна.