Баянгол дүүргийн 2 дугаар хороо, 63 дугаар байрны нэг давхарт бага насны хүүхэд толгойгоо тагтны хаалтны завсар оруулаад гаргаж чадахгүй байна гэсэн дуудлагыг Онцгой байдлын газар 08.29-ний өдрийн 19:17 цагт хүлээн авчээ.

Дуудлагын дагуу нийслэлийн аврах ангийн алба хаагчид очиход Х /8 настай, эрэгтэй/ тагтны хаалтны завсар толгойгоо оруулаад гаргаж чадахгүй байсан тул задаргааны багаж ашиглан 10 минут ажиллан гаргаж, ар гэрийнхэнд нь хүлээлгэн өгчээ.

Иргэд та бүхэн бага насны хүүхдэдээ ахуйн орчны гэмтэл, эрсдэлээс сэргийлэхийн тулд хэрэгтэй мэдээллийг өгч, таниулж байгаарай.