Эрээн хотод өнгөрсөн амралтын өдрүүдэд хөл хорио тогтоон, шинжилгээ авч, түр хугацааны хөл хориог энэ долоо хоногт цуцлаад байсан. 

Тэгвэл өчигдөр бүх нийтийн шинжилгээгээр тус хотод халдварын таван тохиолдол батлагдаж, дахин хилийн түр хязгаарлалт тогтоосон байна.

Энэ түр хязгаарлалт нь Монголын талаас биш Хятадын зүгээс цар тахлаас болж ийм арга хэмжээ авч байгаа гэдгийг иргэд ойлгох хэрэгтэй. Мөн хорио тогтоосон ч Монголын ачаа тээвэр, импортын бараа бүтээгдэхүүн Бичигтийн боомтоор хэвийн орж ирэх юм байна. Өөрөөр хэлбэл, covid-19-ийн тохиолдол ихэсч байгаа ч дундын тээврийг зогсоохгүй аж.