Буриадын Цагдаагийн газраас Улаан-Үд хотод монгол жуулчинд хэрэг үүсгэжээ.

Тодруулбал, Энэ сарын 13-нд Улаан-Үд хотын 29 настай иргэн  хотын их дэлгүүрт хэд хэдэн бараа худалдан аваад, харих замдаа массажинд орж, төлбөрөө төлөөд гарч явахдаа түрийвчээ унагааснаа цагдаад мэдэгджээ.  Ингээд цагдаад хандаж, камер шалган үзэхэд нэгэн эр түрийвчийг газраас авч, зочид буудалд орсон нь харагдсан байна.

Шалгалтаар  Монголоос ирсэн 45 настай жуулчин байжээ. Тэрээр байцаалтад хэргээ хүлээж, түрийвчинд 53 мянган рубль, банкны карт, баримт бичиг байсныг буцаан өгсөн байна.