Сангийн сайд асан, УИХ-ын гишүүн Ч.Хүрэлбаатарын казино тоглож байгаа зураг цахим орчинд цацагдсан. Тэгвэл тэрхүү зураг нь эвлүүлэг бөгөөд УИХ-ын гишүүн Ч.Хүрэлбаатар ч хариу тайлбар өгчээ. 

Тэрээр "Гүтгэлэгт хариу өгье. Фотошопоор зураг эвлүүлээд казиночин болгочих гээд яджээ. Уруулаа норгож байгаа энэ зургийг намайг гүтгэсэн, доромжилсон ихэнх эвлүүлэгт оруулах юм. Хэсэг женкочид намайг Америкийн хоньчин, казак, хужаа болгох гээд аргаа барсан, одоо казиночин болгочихвол муухай харагдана гэж бодсон уу, больж үз. Заримдаа арай өөр зураг ашигла, үнэмшилтэй харагдана. Дээлтэй, бүрх малгайтай зураг сүртэй ш дээ, ялгараад л" хэмээжээ.