ШУА-ийн харьяа Тархи Сэтгэл судлалын хүрээлэнд

08:30-11:30 цагт Тархи, сэтгэл судлалын чиглэлээр мэргэшсэн эмч мэргэжилтнүүд, залуу эрдэмтэн судлаачдад “Тархи-сэтгэл судлалын онол, практикийн сургалт”-ыг Монголын нийгэмд тулгамдаж буй сэдвийн хүрээнд зохион байгуулна.

Хөдөлмөр Нийгмийн Хамгааллын Яам (ХНХЯ)-нд

10:00 цагт хүүхэд харах үйлчилгээний тухай хуулийн хэрэгжилтийн талаар танилцуулах уулзалт болно.

"Монгол Ньюс" мэдээллийн төвд

11:00 цагт “Төрдөө гологдсон хүүхдүүд” сэдвээр хүнд өвчтэй хүүгийн аав, ээж мэдээлэл хийнэ. Агаарын бохирдол, хүнсний аюулгүй байдал хүний эрүүл мэндэд нөлөөлж, улмаар Монголд эмчлэгдэх боломжгүй байгаа талаар мэдээлнэ. 

Хавдар Судлалын Үндэсний Төв (ХСҮТ)-д

11:30-15:30 цагт “Анагаах ухааны боловсрол судлал ба анагаахын шинжлэх ухааны хөгжил” сэдэвт олон улсын симпозиумын хүрээнд элэгний хорт хавдрын тулгамдсан асуудлыг хэлэлцэнэ. Мөн эрхтэн шилжүүлэн суулгах мэс заслын эмч, мэргэжилтнүүдийн хооронд уулзалт зөвлөгөөн болно.