Говь-Алтай аймгийн залуучуудын хувьд анхаарал хандуулах асуудлын нэгд нөхөн үржихүй буюу гэр бүл зохиогоогүй байдал орж байгаа учраас тус аймгийн Засаг дарга О.Амгаланбаатарын санаачлагаар аймгийн гэр бүлгүй залуучуудын чуулга уулзалт хийхээр болжээ. Уг үйл ажиллагаа наймдугаар сарын 12-14-ний өдрүүдэд Дөргөн нуур баазад болох бөгөөд одоогоор 300 залуу оролцохоор бүртгүүлсэн байна.

Чуулга уулзалтын гол зорилго нь гэр бүл болоогүй залуусыг хооронд танилцуулах бөгөөд бүгдийг нь эрүүл мэндийн үзлэгт хамруулна гэлээ. Мөн энэ үеэр хувь хүний хөгжлийн сургалтууд зохион байгуулна гэлээ. Уг танилцах арга хэмжээг зохион байгуулснаар хөдөөгийн залууст тулгамдсан асуудлуудыг шийдэхэд тодорхой үр дүн өгнө гэж гэж үзэж байгаа аж.