Засгийн газрын хуралдаанаас гаргасан шийдвэрийг ХХААХҮ-ийн сайд З.Мэндсайхан танилцуулав.

Тэрбээр, Ургац хураалтын баланс наймдугаар сарын эхээр гарна. Ургац хураах ажилд оюутнуудыг хамруулж, ажилласан цагийг хичээлийн кредит цагт шилжүүлэн тооцох талаар БШУЯ-тай хамтран ажиллаж байна. Энэ жилд ургац хураахад 10-15 мянган оюутныг ажиллуулна гэв.  

Манай улс 2021 онд 67.7 сая толгой мал тоолуулсан, 24 сая төл хүлээн авсан. Өнөөдөр Монголын талд 91 сая толгой мал бэлчиж байна.

Малын зүй бус хорогдол 118 мянган толгой байна. Өмнөх жилүүдэд дунджаар 1.1 сая толгой мал зүй бусаар хорогдож байсан статистик бий гэлээ.