Цагдаагийн байгууллагад долоодугаар сарын 05-ны өдрийн 12 цагийн үед Налайх дүүргийн зургаадугаар хороо “Амралтын газраас гар утаснууд алдлаа” гэх дуудлага мэдээлэл бүртгэгдсэн.

Мэдээллийг тус дүүрэг дэх цагдаагийн хэлтсээс шалгахад тус амралтын газраар үйлчлүүлж байсан иргэдийн Samsung болон iphone загварын 4 ширхэг гар утсыг 19 настай, эрэгтэй “Т”, “У” нар үйлдсэнийг шуурхай илрүүлэн мөрдөн шалгах ажиллагаа явуулж байна.

Иргэд та бүхэн аялал зугаалгаар явж амралтын газар амарч байгаа үедээ аюулгүй байдалдаа анхаарч, өөрийн өмчийн эд зүйл, гар утсаа сонор сэрэмжтэй авч явахыг цагдаагийн байгууллагаас анхааруулж байна.