“Багануур” ХК-ийн гүйцэтгэх захирал Э.Номинчулууныг өнгөрсөн дөрөвдүгээр сарын 27-нд бусдад давуу байдал олгосон хэд хэдэн гэрээ байгуулж их хэмжээний хахууль авч байсан үйлдэл дээр нь АТГ-ын ажилтнууд дайчлан баривчилсан билээ. Улмаар яллагдагчаар тооцон цагдан хорьсон. Улмаар өнгөрсөн долоо хоногт түүнийг хахууль өгсөн хүнтэй нь суллаж, хязгаарлалт тогтоох таслан сэргийлэх арга хэмжээ авсан билээ.

Тодруулбал, түүнийг бусдаас 3 мянган ам.долларын авлига авч байхад үйлдэл дээр нь баривчилсан. Түүний авлига авсан нь олон удаагийн давтан үйлдэлтэй болох нь шалгалтаар тогтоогдсон тухай бид өмнө мэдээлж байсан.

Тэгвэл АТГ-аас эл хэрэгт Эрүүгийн хэрэг үүсгэж, шүүхэд шилжүүлэх саналтайгаар прокурорын байгууллагад хүргүүлсэн байна.