ЦЕГ-ын Хэвлэл, мэдээллийн төвийн дарга, дэд хурандаа Б.Баатархүү цаг үеийн асуудлаар тайлбар мэдээлэл хийлээ.

Тэрбээр "НЗДТГ-ын захирамжийн хүрээнд дэмжлэг үзүүлэх, хэв журмыг хангуулах чиглэлд цагдаагийн байгууллага ажилласан. Цагдаагийн алба хаагчийн тавьсан шаардлагыг эсэргүүцсэн, согтуурсан үйлдэл байсан. Машинаараа түрсэн асуудал ч үүссэн. Цагдаагийн байгууллага шалгаж байгаа.

Цагдаагийн алба хаагч ажил үүргээ гүйцэтгэж байхдаа Парламент телевизийн сэтгүүлчийн биед халдсан байж болзошгүй мэдээлэл цацагдсан.  Сэтгүүлчийн асуудалд цагдаагийн байгууллагын дотоод хяналт шалгалт хийхээр шийдвэрлэсэн. Цагдаагийн алба хаагчдын энгэрийн камерийн бичлэг байгаа. Сэтгүүлчийн гомдолтой холбоотой асуудлыг тус дүүргийн цагдаагийн байгууллага шалгаж байгаа. Дотоод хяналт шалгалтаар сэтгүүлчийн биед халдсан нөхцөл байдал тогтоогдвол Эрүүгийн хэрэг бүртгэлт үүсээд явна" гэв.