Эрүүгийн цагдаагийн албанаас Гаалийн ерөнхий газар, Гашуунсухайт дахь Гаалийн газар болон Хилийн цэргийн эрх бүхий албан тушаалтнуудын орон байр болон нүүрс тээврийн чиглэлээр үйл ажиллагаа явуулдаг хэд хэдэн компанийн захирал, тэдгээрийн оффиссын өрөөнд нэгжлэг хийсэн талаар бид мэдээлсэн.

Энэ талаар Гаалийн ерөнхий газраас тодруулахад "Өчигдөр буюу энэ сарын 06-р сарын 9-ний өдөр нэгжлэг, шалгалт хийсэн нь үнэн. Манай байгууллагаас нэг хүнийг шалгасан байна. Хэрэг шалгагдаж байгаа учир тухайн албан хаагчийн нэрийг хэлэх боломжгүй.

Харин албан бус эх сурвалжийн мэдээлж буйгаар "Гашуунсухайтын хилийн боомт дахь Хилийн цэрэг болон  гаалийн нэр бүхий ажилтнуудын орон гэрт нэгжлэг хийсэн мэдээлэл байна. Харин нүүрс тээврийн хэд хэдэн компанийн захирал, ажлын өрөөнөөс өрөөнөөс эх үүсвэр нь тодорхойгүй бэлэн мөнгө гарсан. 

Бид хэрэг шалгагдаж дуусахаар энэ талаар мэдээлэл өгөх болно." гэсэн тайлбарыг өглөө.