Цагдаагийн ерөнхий газрын дарга, дотоодын цэргийн командлагчийн 2022 оны тушаалаар баталсан “Цагдаа, дотоодын цэргийн алба хаагчдын мэдлэг, ур чадварыг дээшлүүлэх 2022 оны сургалтын нэгдсэн төлөвлөгөө”-ний дагуу Мөрдөн байцаах албанаас Сургалтын нэгдсэн төвтэй хамтран “Хэргийн газрын үзлэг хийх үед гарч буй алдаа дутагдал, оновчтой арга тактик, арга зүй”, “Мөрдөгчийн харилцаа хандлагад чиглэсэн дадлага сургалт” сэдэвт сургалтуудыг энэ оны 06 дугаар сарын 08,09-ний өдрүүдэд зохион байгуулж байна.

Төв, орон нутгийн цагдаагийн газар, хэлтсүүдэд шинээр томилогдсон мөрдөн байцаагч нарт гэмт хэргийн газрын үзлэг хийхэд анхаарах, хойшлуулшгүй ажиллагааг хэрхэн оновчтой, системийн хэлбэрээр явуулах талаарх дадлага, ур чадварыг дээшлүүлэх зорилгоор зохион байгуулж буй энэхүү сургалтад танхим болон цахимаар 174 алба хаагч хамрагдаж байна.