Залуус бүрийн хүсэн хүлээдэг Монголын орчин үеийн хөгжмийн урлагийн түүхэнд томоохон хувьслыг бий болгосон, соёлыг түгээгч “Плэйтайм” хөгжмийн фестиваль энэ жил 20 дахь удаагаа Монгол шилтгээнд 7-р сарын 7, 8, 9, 10-ны өдөр зохион байгуулагдах юм.

Наадмын хувьд энэ жил ногоон тогтвортой хөгжлийг дэмжин ажиллаж буй юм. Цар тахлын дараа олон онцлогтойгоор эргэн ирж байгаа наадмын 20 жилийн ойн хүрээнд “Time to play” баримтат кино, “Road to 20” үзэсгэлэнд нийтэд хүргэж байгаа юм. Наадмын түүхэн замналыг өгүүлэх зурагт хуудас, 100 гаруй гэрэл зураг, баримтат кино, фестивальд зориулсан хувцас загварын цуглуулга, тусгай инсталляц зэргийг үзэх боломжтой “Road to 20” үзэсгэлэн зургадугаар сарын 5-ны өдрийг хүртэл Q Art галерейд үргэлжилнэ.