Тодруулбал, ШШГЕГ-ын дарга Д.Загджав төрийн хэмнэлтийн үед төсвийн мөнгөөр "Соёмбо" гэх шинэ чуулга байгуулж түүнийг даргаар томилохоор зэхэж буй гэнэ. Тус чуулгад 20 бүжигчин авч 14 хоногийн сургалтад хамруулан офицер цол олгох ч яриа гараад байгаа талаар мэдээллийн сайтуудад гараад байсан. МөнA Cool буюу Б.Анхбаярд хошууч цол өгнө гэх мэдээлэл ч байна.

Энэхүү мэдээллийг батлах мэт залуугийн төрсөн өдөр өнгөрсөн сард тохиосон юм. Энэ үеэрээ өөрийн цахим хуудастаа 2022.4.14-нд тэрбээр:

"Цайлган хайлган хайраараа өсгөсөн сайхан буурал ээждээ мөргөе. Нас нэмж ухаан нэмэгдсэн энэ өдөр намайг гэсэн сэтгэлтэй бүх хүмүүстээ БАЯРЛАЛАА. Офицерын курс сургалтад сурч байна! Монгол улсын төлөө зүтгэе гэж байсан юм" гэж байсан аж.

Ахмад, хошууч цолуудын болзолыг хангахын тулд мэргэжлийн дагуу буюу хууль xүчний сургууль дүүргэн салбартаа ажил албаа өндрөөр үнэлүүлээд дунджаар 2-3 жил ажилласны дараа хангадаг аж. Гэтэл дуучин A Cool шинэ чуулгад даргаар томилогдсон даруйдаа энэ цолд хүрч буй нь зүйд хэрхэн нийцэх вэ.