Төрийн хэмнэлтийн хууль батлагдсантай холбогдуулан, уг хуулийн хэрэгжилтийг хангах зорилгоор төрийн байгууллагуудын автомашинуудыг өнөөдрөөс эхлэн засгийн газрын авто бааз дээр татан төвлөрүүлж эхэллээ. Нийтдээ 400 гаруй автомашин татан төвлөрүүлэх төлөвлөгөө байгаагаас өнөөдөр 111 ширхэг автомашин татаж байна.

Эдгээр автомашинуудаас зайлшгүй хэрэгцээт автомашинуудыг нь засгийн газрын баазын харъяанд үлдээж, илүүдэл болон шаардлага хангахгүй автомашинуудыг дуудлага худалдаагаар борлуулж орлогыг нь улсын төсөвт төвлөрүүлэх юм.