Жил бүрийн 05 дугаар сарын 15-ны өдөр орон сууцны дулааныг зогсоож, шугам сүлжээний засварын ажлыг эхлүүлдэг билээ. “Орон сууц нийтийн аж ахуйн удирдах газар“ нь халаалтын улиралд Улаанбаатар хотын 6 дүүргийн 2000 гаруй орон сууцны 114 мянган өрхийн 376 мянган оршин суугчдыг дулааны эрчим хүчээр тасралтгүй ханган ажилладаг. Тэгвэл өнөөдөр орон сууцны халаалтыг зогсоож 2022-2023 оны өвөлжилтийн бэлтгэлийг хангах засварын ажил төлөвлөгөөний дагуу эхэлж байна.