БХБЯ, Барилгын хөгжлийн төв, Барилга.мн, Монголын барилгын Үндэсний ассоциациас хамтран “Мишээл экспо” төвд зохиож байгуулж буй шинэ орон сууц, хаус дизайны “BARILGA EXPO 2022” үзэсгэлэн, яармагт 100 гаруй аж ахуйн нэгжүүд оролцож байна.

Үзэсгэлэн 5 дугаар сарын 8-ныг дуустал үргэлжлэх бөгөөд энэ үеэр захиалга авч буй хаус, шинэ орон сууцны шилдэг төслүүд, амины орон сууцны хамгийн сүүлийн үеийн загвар дизайн, оновчтой шийдэл, ипотек, орон сууцны зээлийн талаарх мэдээллийг нэг дороос авах боломжийг бүрдүүлжээ.

Тухайлбал, байгальд ээлтэй, хүлэмжийн хийн ялгарлыг бууруулсан, эрчим хүчний хэмнэлттэй, дулааны алдагдалгүй Пассив барилгыг нэвтрүүлж буй “PASSIVE HOUSING DEVELOPMENT” компани ногоон байгууламж, хүүхдэд таатай орчныг дээд зэргээр бүрдүүлэх, экстрерьер, интерьерийн шилдэг шийдлүүдийг нэвтрүүлсэн “EDELWEISS JARGALANT VILLA” төслөөрөө оролцож байна.

Богд Хан уулын Жаргалантын аманд, байгальд ээлтэй барилгын материал, дэлхийд тэргүүлэгч дэвшилтэт техник, технологийг ашиглан барьж буй 23 айлын амины орон сууцны EDELWEISS JARGALANT VILLA-г сонирхон, захиалга өгөхийг хүсвэл 5 дугаар сарын 7-8-ны өдрүүдэд Мишээл экспод хүрэлцэн ирж, дэлгэрэнгүй мэдээлэл авахыг урьж байна. Төслийн концепц, танилцуулгаа хүргэхээс гадна онцгой нөхцөл, урамшууллыг санал болгох аж.

Түүнчлэн үзэсгэлэн яармаг www.barilgaexpo.mn сайтад цахимаар дэлгэгдсэн бөгөөд PASSIVE HOUSING DEVELOPMENT цахим талбай (A2) руу зочилсноор үзэсгэлэнд танилцуулж буй мэдээллүүдийг хүлээн авч, манай борлуулалтын ажилтантай холбогдох боломжтой.