Улсын бүртгэлийн ерөнхий газар "Алтан дорнод монгол" ХХК-ийн захирал Т.Ганболдын эхнэр Х.Янжингаажид нарын гэрлэлтийг хүчингүй болгосон гэх асуудал нь олны анхаарлын төвд байгаа юм.

Уг асуудлаар УБЕГ-аас мэдээлэл хийх үеэрээ "Тэд 2016 онд гэрлэлтээ бүртгүүлсэн. Гэвч иргэн Т.Ганболд гэрлэлтээ хууль бус гэх үндэслэлээр УБЕГ-т гомдол гаргаж, "Би хэзээ ч өөрийн биеэр гэрлэлт бүртгүүлж байгаагүй" гэж мэдүүлсэн. Энэ гомдлын дагуу Улсын байцаагчийн дүгнэлт гарч, гэрлэлтийг хүчингүй болгосон. Манайх тус гэрлэлтийг хууль бус, хүчин төгөлдөр биш гэж үзсэн" гэсэн юм.

Тэгвэл өчигдөр буюу дөрөвдүгээр сарын 27-нд Захиргааны хэргийн анхан шатны шүүх уг хэргийг хэлэлцээд иргэн Д.Ганболд, Х.Янжингаажид нарын гэрлэлтийг хүчингүй болгосон Улсын байцаагчийн дүгнэлтийг шүүхээс хүчингүй болгожээ. Өөрөөр хэлбэл, тэд одоо хууль ёсны гэр бүр мөн юм.