“Багануур” ХК-ийн гүйцэтгэх захирал Э.Номинчулууныг өчигдөр бусдад давуу байдал олгосон хэд хэдэн гэрээ байгуулж их хэмжээний хахууль авч байх үйлдэл дээрх нь АТГ-ын ажилтнууд дайчлан баривчилсан талаар бид өмнө мэдээлсэн.

Тэгвэл түүний тус асуудалтай холбогдуулж, зарим иргэдийг мөн шалгаж байгаа бололтой. Тодруулбал, нэр бүхий хүмүүсээс АТГ-аас  мэдүүлэг авч гэр болон ажлын байранд нэгжлэг хийсэн талаар мэдээлэл бий.

Дашрамд дурдахад Э.Номинчулуунд холбогдох хэргийг ЭЦА-наас АТГ-т шалгуулахаар шилжүүлээд удаагүй. Тус газарт шалгуулж байхдаа ийнхүү дахиад гэмт хэрэг үйлдсэн учраас 48 цагийн хугацаатай албадан саатуулсан байна. Ингэснээр түүнд эрх мэдэл албан тушаалаа урвуулан ашигласан, бусдад давуу байдал олгосон гэх үйлдлээс гадна хээл хахууль авсан хэмээх үндэслэлээр нэмж шалгаж эхэлж буй.