Засгийн газраас "Кью Эс Си" ХХК-ийн концессын гэрээгээр эзэмшиж байсан "Дарханы төмөрлөгийн үйлдвэр"-ийг төрд авах шийдвэр гаргасантай холбогдуулан, өмчүүдийг нь төрд бүртгэх процесс өрнөж буй. Энэ хүрээнд "Blue sky" товерын найман давхрын нийт талбайг төрийн өмчид бүртгэсэн байна.

Тодруубал, уг байршлыг "Дарханы төмөрлөгийн үйлдвэр" компанийн мөнгөөр худалдан авч, "Кью Эс Си" ХХК оффис түрээсийн байдлаар ашиглаж байсан аж. Уг байранд ХХБ-ны банкны ТУЗ-ийн дарга Д.Эрдэнэбилэгийн албан өрөө байжээ.

Үүнийг хуулийн байгууллагын зүгээс Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.3 дахь хэсэг дэх “Гэмт хэрэг үйлдэж болзошгүй талаар үндэслэл бүхий баримт, мэдээлэл байгаа” гэх үндэслэл үүсгэж, Д.Эрдэнэбилэгийг цагдан хорих санал гаргасан аж. Д.Эрдэнэбилэг нь одоогоор ШШГЕГ-ын хаьяа Урьдчилан хорих 461-р ангид саатуулагдаж байгаа юм.