Говь-Алтай аймгийн Төгрөг суманд хүчтэй шороон шуурга шуурч гэр нурж, байшингийн дээвэр хууларчээ.

Тодруулбал, энэ сарын 24-ны өдрийн 15:30 цагийн үед 22-25 метр секунд хүртэл хүчтэй шороон шуурга шуурсны улмаас сумын Засаг даргын Тамгын газрын өвсний агуулахын дээвэр, бага, дунд хоёр сургуулийн дээвэр хууларсан байна.

Мөн дөрвөн айлын гэр, зургаан айлын байшин, дэлгүүр, цайны газрын  дээвэр хууларч, өндөр хүчдэлийн гурван шон хугарчээ.