Сонгинохайрхан дүүрэг дэх цагдаагийн газрын хоёрдугаар хэлтсээс бүтээлч ажлын хүрээнд алба хаагчдын бие бялдрыг хөгжүүлэх, амралт чөлөөт цагийг зөв боловсон өнгөрүүлэх, биеийн хүч хэрэглэх, тактикийн бэлтгэл хангах зорилгоор “Ачит дэвжээ” албаны бэлтгэлийн танхим байгуулж, өчигдөр /2022.04.20/ ашиглалтад оруулан нээлтийн үйл ажиллагааг зохион байгууллаа.

Нээлтэд тус дүүрэг дэх цагдаагийн газрын дарга, цагдаагийн хурандаа Х.Ууганбаяр, Хоёрдугаар хэлтсийн дарга, цагдаагийн хурандаа Б.Батхүү, Монгол Улсын гавьяат багш, доктор, профессор, цагдаагийн бэлтгэл хурандаа С.Хаянгарваа нар оролцов. Мөн дэвжээний дэргэд бялдаржуулах тоног төхөөрөмж нэмж байршуулан фитнес заал, халуун усны өрөөг шинээр тохижуулан ашиглалтад оруулжээ.