Залуусын жагсаалын үеэр баригдсан хоригдсон гэж цахим орчинд худал ташаа мэдээлэл тараасан иргэн н.Шинэбаяр манай редакцид хандаж, иргэд олон нийт, жагсаалд оролцсон залуусаас уучлалт хүсэн, залруулга хийхээр хандсан юм. Ингээд түүнтэй ярилцсанаа хүргэж байна.

Та хэвлэл мэдээллийн хэрэгслээр цагдаа нар хүүхдүүдийн биед халдсан, баригдсан залуучуудад зүй бус хандсан хэмээн ярилцлага өгсөн байсан. Та 04 дүгээр сарын 07-ны жагсаал цуглаан дээр байсан уу?

Миний хувьд яг эхний өдөр жагсаал, цуглаан болж байх үеэр гэртээ байсан. Гэрээсээ лайв үзэж байхад залуучууд талбай дээр жагссан, ид үзэл бодлоо илэрхийлээд байж байсан. Хоёр дахь өдрийн жагсаалд би өөрөө талбайн жагсаал руу очиж, зариг.мн сайтад ярицлага өгсөн. Уг ярилцлагандаа өмнөх өдрийн үзсэн лайвын эмоциороо яг тэнд нь байсан мэтээр цагдаад чирүүлээд, түр саатуулах байранд нь цохиулж нүдүүлсэн хэмээн төсөөлж ярьсан. Мөн 17-18 насны хоёр хүүхэд, тэр толгойгоо хагалуулсан гэх эмэгтэйн талаар бүгд худлаа ярьсан юм шүү. Залуучууддаа уучлал хүсэн хэлэхэд миний цахим орчинд лайваар өгсөн ярицлаганд битгий итгээрэй, би худал мэдээллийг тараасан учраас өнөөдөр ийнхүү уучлалт хүсэхээр ирсэн юм.

Та яг ямар зорилгоор ийм худал мэдээлэл тараасан юм бэ?

Намайг очсон үеэр хэвлэл мэдээллийхэн хүмүүсийн үзэл бодлыг сурвалжлаад явж байсан. Тэр үеэр би зариг.мн-д хандан би өчигдөр баригдаад одоо суллагдаад явж байна, ярилцлага өгөх гэсэн юм хэмээн өөрөө хандсан. Зөвшөөрөхөөр нь би тухайн сайтын оффис дээр нь очиж ярилцлага өгсөн. Ингэхдээ би ямар нэгэн өөр санаа бодол огт агуулаагүй ээ.

Та өнөөдөр ингэж үнэнээ хэлэх болсон шалтгаан тань юу вэ?

Худал ташаа мэдээллийг олон нийтэд хүргэсэндээ гэмшээд, ийнхүү цагсаалд шудрагаар оролцож байсан залуучууд, ард түмэн, албан үүргээ гүйцэтгэж байсан цагдаа нараасаа энэхүү ярилцлагаар дамжуулан албан ёсоор уучлалт хүсэж байгаа юм.

Та ямар ажил эрхэлдэг вэ?

Би Хишиг Арвин ХХК-д харуул, хамгаалалтын албанд ажилладаг. Уг ажилд ороод удаагүй байгаа.

Баярлалаа

Ярилцсан : сэтгүүлч Э.Намуун