"Монголдоо сайхан амьдармаар байна" жагсаал үргэлжилсээр байна.

Өнөөдөр Монгол Улсын Ерөнхий сайд Л.Оюун-Эрдэнэ төв талбайд жагсагчидтай уулзсан бөгөөд үүний дараа тэрбээр залуучуудын тавьсан шаардлагын дагуу Засгийн газрын ээлжит бус хуралдааныг зарласан.  Засгийн газрын ээлжит бус хуралдаан үргэлжилж байна. Ээлжит бус хуралдааны дараа Ерөнхий сайд Л.Оюун-Эрдэнэ жагсагчдын төлөөллийг хүлээн авч, хуралдаанаас гарсан шийдвэрийг танилцуулах талаар Засгийн газрын хэвлэлийн албанаас мэдээлсэн.

Харин жагсагчид зөвлөлдөөд "Засгийн газрын ордон руу хэн нь орохгүй. Өөрсдөө гарч ирэхийг шаардахаар" болжээ.